ع المكشوف

Posted by حسام خليل in

ليل الخيانة بدأ ولاّ النهار نصّاب؟

والحلم فينا اتخدع ولاّ الأمل كداب؟

مين اللي واقفين هنا حرّاس على الأبواب ؟

راميين حبال المشانق تحضن الغرقان

يايموت على المشنقة يايموت غريق عطشان

والبحر طافح سولار والضرب في المليان

خلي الأمل ينفعك يا للي كرهت الجبن

انده عليه لو جدع خليه يجيب الأمن

لو كنت شاطر حسن وريني ست الحسن

الضرب تحت الحزام فن وشطارة وكهن

مين اللي خلّى العسل ميطيقش ريحة السمن

وازاي طيور الشجر حنت لعيشة السجن

والمسرحية ابتدت واللعب ع المكشوف

اقتل قتيل واعتصم واعمل عليه ملهوف

وامشي ف جنازته شهيد واقتل عشانه ألوف

واقلع أمان السنين وازرع مكانه الخوف

واجني حصاد زرعتك وارمي الأمل برّه

وانسى الصلاة والصوم لو جاتلك الدورة

وازاي هتدن مدام صوتك صبح عورة

والمجلس العسكري باع مجلس الثورة

شعر ..... حسام خليل

برج المراقبة

Posted by حسام خليل in


اطلعوا برج المراقبة وارموا ع الدنيا السلام
الحكاية مش كلام مش عواطف والسلام
الغراب زي الحمام كله طاير في السما
والديابه ف كل حته والخريطة ملغمه
والملامح في المدينة ليل ضفايره معقدة
والطريق اللي انت شايفه تحت رجلك ... مصيدة
ياللي عامل فيها عنتر واحنا مش وقت الصراع
السفينة بيك هتغرق وانت ماسك في الشراع
لما نوصل بالسلامة كلنا لبر الأمان
ابقى دور ع الزعامة قبل ما يفوت الأوان

توافقي

Posted by حسام خليل in

ان الجماعة التي تستطيع أن ترشح من بين أبنائها العديد والعديد من الكفاءات الكبيرة لمنصب رئيس الجمهورية ثم تحجم عن هذا ايثارا للمصلحة العامة لجماعة جديرة بأن يُحترم رأيها ...ألجموا نزوات العواطف بنظرات العقول وأنيروا أشعة العقول بلهب العواطف وألزموا الخيال صدق الحقيقة والواقع واكتشفوا الواقع في أضواء الخيال الزاهية البراقة ولا تميلوا كل الميل فتذروها كالمُعلقة ولا تصادموا نواميس الكون فإنها غلابة ولكن غالبوها واستخدموها وحولوا تيارها واستعينوا ببعضها على ببعض وترقبوا ساعة النصر وما هي منكم ببعيد .

ايام ما كانوا بيقولوا عمل عملية المرارة

Posted by حسام خليل


اللهو الخفي

Posted by حسام خليل


ابتدا المشوار

Posted by حسام خليل in