قلنا كرامه ورأينا حُر
قالوا بعيد من بره الباب
طيب حفله ومش هنضر
قالوا هتبقى عذاب ف عذاب
هنوريكم ونطيح فيكم
مش هنفرق بنت ..وشاب
يللا يا كابتن هات الشومه
دا احنا الأمن ودول طلاب
اضرب.. كسر.. اشتم .. دمر
ومتعملش لحد حساب
دول ديتهم صوت ف مظاهره
سيبهم يجروا ويّا سراب
لو ده كلامك نبقى ف ورطه
والتعليم راح يبقى خراب
ده ف جامعتنا وده اللي بيحصل
أوضح حاجه شايفها ضباب
فين يا اداره وفين يا اساتذه
حريتنا
كلام جامعتنا
ولا ده بس كلام ف كتاب
مش اخواني ولو اخواني
برضوا انا واحد م الطلاب
برضوا انا واحد م الطلاب
طالب من جامعة الفيوم (أنا الفيومي)
This entry was posted
on السبت، 18 أبريل 2009
at 2:12 م
and is filed under
فيديو زجل
. You can follow any responses to this entry through the
comments feed
.