صوت اليهود

Posted by حسام خليل in


شجب هنا وهناك عين تدمعُ
بل كل شئ حسبما نتوقعُ
قوموا إلى الوقفات في أوطانكم
فلترفعوا الأصوات أو لا ترفعوا
أصواتكم ذهبت سدى أما أنا
فالصوت عندي ليس إلا المدفعُ
سنظل نهتك عرضكم في أرضكم
وسنقصف الأهداف حتى تركعوا
سنُقتّل الآلاف من إخوانكم
حتى يصيروا مثلكم أو يُصرعوا
سيروا على نهج رسمناها لكم
خلف الولاة وأيدوهم واخضعوا
من قال حي على الجهاد فأخرسو
هم واحبسوهم واتركوهم وارتعوا
من لم يعش بالذل مات بسيفنا
عيشوا ذيولا واهنأوا واستمتعوا
حتى يحين أوانكم ناموا على
عشب الحظيرة حيث طاب المخدعُ
واستمتعوا باللهو في جنباتها
فنهاية المعلوف حدٌ قاطعُ
سنمر بالسكين فوق رقابكم
لما يزول بسيفكم ما يمنعُ
فاستمتعوا وتعاونوا حتى يمو
ت بسيفكم ذاك الأبي الأشجعُ

خيانة العملاء

Posted by حسام خليل in

video

أحدٌ أحد

Posted by حسام خليل in

video

اللهم أنقذ غزة من ظلم الظالمين وسكوت المتخاذلين وكيد

الخائنين واجعلنا من جنودك المخلصين المخلَصين

يا عائدون من الرحاب الطاهرة

Posted by حسام خليل in

video

بمناسبة عودة حجاج بيت الله الحرام من الأراضي المقدسة

منتظر الزيادي

Posted by حسام خليل in

أنا قادم يا عصبة الأعداءِ

من تحت أرضٍ أو بعيد سماءِ

أنّى اتجهتم يا غزاة فأبشروا

أنا قابع في تلكم الأنحاءِ

فلتزرعوا في كل شبر غرقدا

ولتحذروني قبل كل مساءِ

أنا قادم كالبرق يخطف فجأةً

نظر العيون بشدة الأضواءِ

أنا قادم كالسبق أرق مضجعا

وتناقلته وسائل الأنباءِ

أنا قادم حقا أمام عيونكم

خبرا أكيدا واسع الأصداءِ

خبرا يُذاع على الهواء مباشرا

أرسلته لقناة كل فضاءِ

أنا قادم كالرعد يرسل بأسه

في لحظةٍ بعواصف الأجواءِ

أنا قادم كالنار تفتك بالذي

قد كان يوما يستبيح دمائي

أنا قادم كالغيث يحيي أنفسا

من موتها شوقا لشرب الماءِ

أنا قادم كالبلسم الطهر الذي

يشفي غليل الظلم في الضعفاءِ

أنا قادم كالنور بدد ظلمةً

وهدى البرية بعد طول شقاءِ

أنا قادم كالعيد جاء مهنئا

ومبشرا بسعادة ورخاءِ

مهما صنعتم من حواجز بيننا

ومنافقين تستروا بردائي

الله حسبي لا أخاف منافقا

قد سلطوه لخدمة العملاءِ

يتمتعون على حساب قضيتي

وتحكموا مستمتعين بدائي

وكأنني صرت العشية قصعة

والآكلون تلذذوا بغذائي

إني سأطفئ ناركم تلك التي

حرقت ضلوعي مزقت أشلائي

ولئن حسبتم بطشكم سيخيفني

فلتعذروني ذاك محض غباءِ

(إن احتدام النار في جوف الثرى

أمر يثير) شهامتي وإبائي

أنا لست أرضى يا عراق دنيةًًً

في العرض أو في الدين بالإيذاءِ

سأنال منهم عاجلا أو آجلا

فالنصر آت رغم كل بلاءِ

أنا في سبيل الله أبذل مهجتي

أشري بها الفردوس في العلياءٍِ

يارب حسبي إن لقيتك أنني

يوما رجمت لعينهم بحذائي

رمي الجمار على الظلوم شعيرةٌ

قد عشت منتظرا لها برجاءِ

حتى رأيت الظلم يخطب واقفا

نطق الحذاء مكانه بندائي

نطق الحذاء مكانه وتبدلت

لغة الكلام وهمة الإصغاءِ

وقفوا جميعا ينظرون وقد علا

فوق الرئيس بقمة شماءِ

ثم انتهى عند المنصة حاضنا

علما يرفرف فوق كل لواءِ

وتلعثم الوجه الكئيب مطأطئا

وبدت عليه مظاهر الإعياءِ

لما حذائي قام فيه محدثا

ونهى الكلام بخطبة عصماءِ

عنوانها حريةٌ وكرامة

والذل كل الذل للأعداءِ


حسام خليل




بوش يستاهل ضرب الجزمة

Posted by حسام خليل in


video

بمناسبة الصحفي العراقي الحر منتظر الزيادي الذي قال كلمته المدوية في وجه بوش

بوش يستاهل ضرب الجزمة

Posted by حسام خليل in





كلمة اتقالت وسط الزحمة



كانت زي النور في الضلمة



كلمة بتبرق زي الرعد



فجأة يصحي الناس النايمة



صح النوم وكفاية كلام



خلي حركتك هي الكلمة



ضحي بنفسك يا للي مضحي



درس العيد مش أكل اللحمة



درس العيد رمي الجمرات



درس العيد بيعلي الهمة



ارمي الجمرة وراها الجمرة



أصل الشر معندوش رحمة



لسة بيقتل أهلي وناسي



لسة بيرفص بعد الأزمة



ارجم رمز الشر فبلدك



خوفك سجن ما عدلوش لزمة



اكسر سور السجن وقولها



كلمة اتقالت وسط الزحمة



كلمة حق ف وش الظالم



قالها الصحفي الحر بذمة



كلمة كتبها فكل صحيفة



بشرف المهنة وشرف التهمة

كلمة كتبها بطل بدراعه

فيها بلاغة وصدق وحكمة



تسلم إيدك يابن بلدنا



قولها كمان وبنفس النغمة



قول سمعنا قول واشجينا



علشان تشفي غليل الأمة



قولها كمان علشان نرتاح



كلمة كمان وتزول الغمة

كلمها وقالها بكل شجاعة

مهما حصله فسجن الظلََمة

كلمة وّطّى عشانها الظالم

علشان يفدي بخوفه الصدمة

كلمة هدفها علم أمريكي

رفرف يحضن فردة صرمة


كلمة سمعها العالم كله



بوش يستاهل ضرب الجزمة



بوش يستاهل






*



ضرب الجزمة




كلمة حق عند سلطان جائر

يا لها من غزة

Posted by حسام خليل in


دخلت امرأة النار في هرة حبستها لا هي أطعمتها
--
ولا هي تركتها تأكل من خشاش الأرض فما بالنا بالذي ترك
--
مليون ونصف بني آدم تحت
--
الحصار دون مساعدة؟ !

عيد سعيد في غياب الراتبِ

Posted by حسام خليل in


طال انتظـاري للحبيـب الغائـبِ
-
فغـدا فـؤادي كاللجيـن الذائـبِ
-
يستمطـر الأيـام يومًـا كلـمـا
-
رحل الصباح إلى الصباح الذاهـبِ
-
ومضى الزمـان محطِّمًـا آمالـهُ
-
كالسيف يهوي من عنيدٍ غاضـبِ
-
يا سيـدي.. إن الأجيـر لظامـئٌ
-
يرجو الندى عند المعين الناضـبِ
-
كالعاشق الولهان أضنـاه الهـوى
-
يشكـو لرسـمٍ لا يحـنُّ لطالـبِ
-
هل ردَّت الأطلال يومًـا سائـلاً؟!
-
فالصمت أجدى من عويل الناحـبِ
-
كالطائـر المأسـور ناشـد قيـدهُ
-
نَيـل الثريـا فـي ترنُّـم راهـبِ
-
أطلق سراحي.. أعطنـي حريتـي
-
واصرف معاشي كي تزول مصائبي
-
العيـد أقبـل فانزويـت لأنـنـي
-
بثيـاب فقـرٍ كالطريـد الهـاربِ
-
قالوا نضحِّي.. قلت كيـف؟ وإننـا
-
نحن الضحايا في غيـاب الراتـبِ
-
لكننـي- والعيـد- قلبـي هانـئٌ
-
ومهنـئٌ: عيـدٌ سعيـدٌ صاحبـي
-
تقبل الله منا ومنكم
*
كل عام وانتم جميعا بخير

تقديم حسام خليل

Posted by حسام خليل in


video
كان لي شرف تقديم الأستاذ محمد مهدي عاكف
استمعوا إلى كلمته التي ألقاها
إلى شعب الفيوم

أفراحنا

Posted by حسام خليل in

video

كنا في عرس أخينا محمد الريفي

بارك الله لهما وبارك عليهما وجمع بينهما في خير

أفراحنا دايما تنطلق من المسجد وتبدأ باسم الله بعيدا عن أي معاصي

طبعا إزاي الواحد يبدأ حياة جديدة بمعاصي وذنوب

ربنا خلقنا خلق كل شئ وسخره لخدمتنا نحن البشر

وما زال الله يمد إلينا حبال الود

وهو الغني عنا

فلماذا نقطعها بذنوبنا ومعاصينا

سبحانه هو الودود الذي يتودد لعباده

وما خلقت الجن والإنس إلا ليعبدون

يلا نحبه ونشتاق إليه

والذين آمنوا أشد حبا لله

حسام خليل يقدم أمين الديب

Posted by حسام خليل in

video

كنت بقدم الشاعر الكبير أمين الديب

في احتفالية حسن البنا

تبت يدا أبي لهب

Posted by حسام خليل in

يا مصرنا فيكي العجب
والشعب من همه اكتئب
والعيشة صعب وبالبلا
والظلم أصبح للركب
نمشي نكلم نفسنا
وساعات بنضحك م التعب
لما المفروض إنهم
بيعلموا الناس الأدب
ويحافظو على أمن البلد
ويسهروا لأتفه سبب
ويهزوا أي متهم
حتى لو أتخن شنب
وينطقوه ويقرروه
ويبقى شاطر لو كدب
ويظبطوا ولاد الحرام
ويدوّروا ع اللي هرب
ويجيبوا حق المظلومين
م اللي سرق واللي نهب
ويطردوا المخربين
من قلب بيتنا اللي اتخرب
واللي اتملى بالمخبرين
وبالعساكر والرتب
وفتشوا يا سامعين
لحد ما البيت اتقلب
وصحوا كل الموجودين
وابني الصغيّر اترعب
قالي يا بابا هما ليه
بيفتشوا تحت الكنب
ويكسروا كل الحاجات
ويقلبوا كل الكتب
مش احنا بردو مواطنين
ولاّ احنا أصلا مش عرب
بص المقدم ناحيته
وركّب الوش الخشب
وقالو اسكت لاحبسك
سكت وخاف ليضرب
كل اللي فات ده مش غريب
بس اللي جي ليه العجب
يارب هد المفتري
تبت يدا أبي لهب
لو قلت مش هتصدقوا!
سرقوا من بيتي الدهب
سرقوا من بيتي الدهب
**********************
تبت يدا أبي لهب

video

محمد خيري

Posted by حسام خليل in

المهندس محمد خيري صاحب مدزنة جر شكل تم اعتقاله للمرةالثانيةلأنه شارك في قافلة فك الحصارعن غزة

أنا مصري بحب الحرية

حبسوني في بلادي الغالية

أخلوا سبيلي ورجعوا خادوني

وأخلوا سبيلي المرة التانيه

وانا دلوقتي في الزنزانة

مش على ذمة أي قضية

ولما سألني الظابط قالي:

يظهر خيبتك خيبة قوية

كان إيه دخلك بفلسطين

مالك بيهم رحت ف داهيه

قلت ياباشا عايز اتنفس

طب ليه بس مغمي عنيه

اسمك سنك أصلك فصلك

يلاّ جاوبني بسرعة شويه

مسلم واسمي محمد خيري

مش عارف ليه قبضوا عليه

وسني يادوب عدّى العشرين

وبطاقتي أدامك اهيه

من مواليد مركز سنورس

فيومي ومصري الجنسية

ومدون واسم مدونتي

جر شكل بس بحنيه

ومهندس عايز اخدم بلدي

علشان تفضل أم الدنيا

بس خدوني وجم خطفوني

من بيتي بإدين مصرية

ومكنتش هستسلم أبدا

لو كانت بإدين غربية

واللي غايظني انها مصرية

وسابت ف بلادي الحرمية

مصري وجي يكلبش إيدي

آه يا خسارة على الوطنية

مصري وجي يهاجم بيتي

ويعيش ف بطولة وهمية

فاكر إنه بيخدم بلده

لما يكلبش تاني إديه

داخل يهجم يرعب يقلب

ويصحّي الناس من حواليه

علشان يزرع فينا الخوف

علشان نفضل في السلبية

ونغمض ونسيب الظالم

ينهب مواردنا الحيوية

ونسيب أهلي وناسي ف غزة

بين الأنياب اليهودية

واسأل يا شعبي المرعوب

كل الأطراف المعنية

هو احنا بنحمي المظلوم

ولاّ بنحمي الصهيونية؟

يا مصر بنادي من الزنزانة

دا انتي ف قلبي وجوا عنيه

وبحبك مهما ظلموني

وبحب كمان الحرية

وبحب الأقصى وحماس

ونفسي يا مصر تعيشي أبيه

من وحي استضافتي في ملتقى القسام

Posted by حسام خليل in





الله حسبي إنه نعم الوكيل

أرجو رضاه بحبكم قبل الرحيل

أنا لست إلا شاعر زادي قليل

يربو بكم يا أهل غزة والخليل

رباه فاجمع شملنا إني عليل

أرجو الشفاء ولست أرجو المستحيل

فأجب دعائي إنني العبد الذليل

وأذق فؤادي لذة تشفي الغليل

بشهادة في ساحة الأقصى الجليل

أنجو بها من شدة الهول الثقيل

متنعما بالحور في الظل الظليل

قوموا معي يا إخوة الصبر الجميل

وتعاهدوا : ألا نضل عن السبيل
وهتافنا لا نستقيل ولا نقيل

النشيد الوطني

Posted by حسام خليل in

قوم يا مصري
الحكومة بتناديك
سيبنا ناكلك
وابتسم وارفع إديك
ومهما يحصل
يا بطل غمض عنيك
وبلاش تعارض
سيبنا نخرب بيت أبيك
هنمص دمك
أصله دين واجب عليك
واوعى تصرخ
دا النفس محسوب عليك
خليك مسالم
إوعى تعمل فيها ديك
أحسن تلاقي
أمن جي يقبض عليك

Posted by حسام خليل in

وإذا المنيةُ أنشبت أظفارها
ألفيت كل تميمة لا تنفعُ

وتجلدي للشامتين أريهمُ

أني لريب الدهر لا أتضعضعُ

طابور الموت

Posted by حسام خليل in

دخل يزيد الرقاشي على عمر بن عبد العزيز فقال عظني يا يزيد فقال يا أمير المؤمنين اعلم أنك لست أول خليفة يموت فبكى ثم قال زدني قال يا أمير المومنين ليس بينك وبين آدم أب إلا ميت فبكى ثم قال زدني يا يزيد فقال يا أمير المؤمنين ليس بينك وبين الجنة والنار منزل فخر مغشيا عليه

كم بيني وبين آدم من الأحياء
إن رجلا ليس بينه وبين أبيه آدم أب حي لعريق في الموت
نعم ليس بيني وبين آدم أب حي
تخيلوا
أنا اللي عليا الدور
واقترب الوعد الحق
أنا واقف في أول الطابور
محدش أدامي
ابقوا افتكروني

أحمد عبد القوي

Posted by حسام خليل in



أنا طالب جايب تقدير
جيد جدا مش تزوير
عايز اسكن ف مدينة الطلبة
حقي ياباشا ، ولاّ كتير؟
ولاّ عشان أنا راجل وطني
غاوي صحافة وغاوي تصوير
ولاّ عايزني هايف تافه
أصحى وانام من غير تفكير
مصر بلدنا جوا عنيا
ليها ف قلبي حب كبير
مصر العامل والفلاح
مصر الثورة والتحرير
مصر بلدنا زرعت فينا
جرأة وحرية تعبير
مصر عرابي ومصطفى كامل
جيل الهمة والتغيير
مصر بلدنا مبتفرقش
بين أولادها وزير وغفير
ولاّ عشان بابا مش ظابط
ومهوش باشا ولاّ سفير
ومعنديش في البنك رصيد
ومعنديش دفتر توفير
بابا غلبان وبيشقى عليا
بس ف عيني عظيم وكبير
بابا سايبلي قيراطين عفة
وفدان حب بيزرع خير
وسايبلي أخلاق وشهامة
وطيبة قلب وعلم غزير
أصله ياباشا صاحب مبدأ
عمره ما باع علشاني ضمير
عمره ما وطّى لحد ياباشا
ولا نافق من يومه وزير
عمره ما خاف من مخلوق زيه
مهما يكون لو حتى أمير
قالي يا أحمد خليك راجل
ولو هتاكلها بالجرجير
خليك راجل وارفع راسك
مهما يكون الأمر خطير
اوعى تخاف من أمن الدولة
لو كتبوا ستين تقرير
ربك يابني هو المعطي
هو ال عليه التدبير
أمال إيه بقى معنى صلاتك
معنى سجودك والتكبير
خلى تكالك ع الخلقنا
هيسهلك كل عسير
أنا من حقي ياباشا سعاتك
زي زمايلي دولاب وسرير
وانا والله مواطن مصري
وظلمك ليا ملوش تبرير
عايز حقي ولو برقبتي
مش هتنازل لو هطير
حسام خليل




ابتدا المشوار

Posted by حسام خليل in

video

في ناس كتير في البلد دي بيلعبوا بالنار

والموجة عاليه وشديدة ومفيش جهاز إنذار

والمركبة تايهة في محيط ملهش قرار

والناس بتصرخ وشايفه ف كل حته دمار

وشباب بتغرق وتطلع تعوم مع التيار

والعار ف لمح البصر أصبح وما سموش عار

اسمه حضارة وأدب وفن واستقرار

والغيرة بنت البلد ماتت ف قلب الدار

والواد شهامة الجدع محبوس ورا الأسوار

والحر قلبه اتخلع من حسرة الأحرار

وبقينا غاويين دلع منحبش الأطهار

والبنت ويا الولد هيمانه ليل ونهار

ومعاه تبيع لحمها وبأرخص الأسعار

ولو يغيب عنها بتبات ف حيرة ونار

كشف الظلام (ظلام غزة)

Posted by حسام خليل in

video

ياليت كل حياتنا رمضان(على قناة الحافظ)

Posted by حسام خليل in


video

ياناس مفيش أحلى من العفة

Posted by حسام خليل in

video

على قناة الحافظ

قصيدة عن رمضان شهر العفة

ياناس مفبش أحلى من العفة

Posted by حسام خليل in

كنت ماشي يوم ومروح
سمعت صوت بيقول لو تسمح
؟قلت ازاي ما اسمحش دا صوتها
زي اللحن يخليك تسرح
عقلي تاه من رقة صوتها
وفجأة لقيت قلبي بيتمرجح
.............
قلت أبص وارد عليها
اتكلبشت ف سحر عنيها
سألِت عن عنوان ف أديها
قلت أبيع عمري واوديها
يا ناس حرام اسيبها لوحديها
.............
أصل جمالها كان فتان
وجسمها باين م الفستان
زي الميه وانا العطشان
عطشان إيه دا احنا ف رمضان
وانا صايم وبصلي كمان
يارب احفظني من الشيطان
...........
هي دقيقة كمان مش أكتر
سمعت صوت بيقول ويذكّر
إنا أعطيناك الكوثر
ولقيت قلبي ارتاح واتعطر
والشيطان بيفر ويصغر
بكيت وتبت ورحت استغفر
...........
غضيت بصري ودقت العفه
ولقيت حياتي أحلى وأصفى
ياللي بلوزتك واصفه وكاشفه
وكل الناس بتبص وشايفه
ذنب الناس عندك في الكفه
يوم القيامه ليه مش خايفه؟
ياناس مفيش أحلى من العفة
ياناس مفيش أحلى من العفة
ياناس مفيش أحلى من العفة

عصفور

Posted by حسام خليل in

video

لبنان

Posted by حسام خليل in

videoقصيدة للشاعر حسام خليل تصف أحداث لبنان بعد خطف الأسيرين اليهوديين من قبل حزب الله خلال عام 2007

حبيبي يا رسول الله

Posted by حسام خليل in


video

هي ناقصة

Posted by حسام خليل in




video


أحد أحد

Posted by حسام خليل in


عاد الزئير مدويا (أحــدٌ أحد)
فتراجع الجلاد أعياه الجلد
وتفجر الإصرار في قلب الذي
لله في جوف الليالي قد ســجد
وكأن ربعي بن عامر قد أتى
ليعبِّد الطاغين لله الأحــد
ورنين صوتك يا بــــلالُ بمكة
سـيظل زاد الصامدين إلى الأبد
وعلا هنــالك في القطاع مجلجلا
في عزة من غزة صوت الأســد
قـــسما برب الكون إني عائدٌ
للمسجد الأقصى وإن طال الأمد
إني على ثغرٍ أزود وأبتغي
وجه الذي رفع السماء بلا عمد
لا أنحني ذلا ولسـت ببائعٍ
عرضي لأطلب عند صهيون المدد
(فالله خيرٌ حافظا ) هــو رازقي
وهو المهيمن والمعز هو الصمد
قد حاصروني منذ صرت حكـومةً
شرعيةً تســـعى لما فيه الرشد
كم حاولوا شق الصفوف وأوقدوا
نارا يشــيب لهول شدتها الولد
وعلى اتفاق عند مكةَ ضمنا
عدنا إلى الأوطان نجتث العقد
وتجمع الإخوان صفا واحدا
وتماســـك البنيان حبا واتحد
وتجمــعت كل الضغائن حولنا
ليموت كل مقاوم أنّى وُجِد
تبــت يدا ( دايتون) أشار بخطةٍ
في جيدها الملعون حبل من مسـد
لو لم أكن مســـتيقظا لمرادها
لرأيت أنهار الدماء بلا عدد
لم أنقلب يوما على شــرعيتي
لكنني قومت فينا من فسد
وأعدت للبدان أمنا بعــدما
حلّ الدمار بكل صوب واحتشد
ووجدت كنزا من وثائقَ كاشفا
غدر الخؤون لكي أموت وأبتعد
ووجدت أسلحة يهـدد شأنها
أمن الكيان فمات رعبا وارتعد
وهوى العدو بحفرةٍ حفرت لنا
فتحطم الكيد الحقود بما حقد
ودعوت قـومي للحوار فأدبروا
وتوجهوا صوب العدو وما قصد
واســتنصروه لكي يبيدوا قومهم
وتقدموه لما يفتّ به العضد
ألقــوا إليه ســلاحهم في ذلةٍ
حتى يعيشوا بالمذلة في رغد
والقدس تصــرخ أين جيش محمدٍ
أين البطولة في زمان لم يعُد
أين الذي يرجو الشــهادة مخلصا
وعلى الذي يحيي ويرزق يعتمد
ســـتعود يا قدسـاه صبرا إننا
نرجو الشهادة في حماك ونجتهد
ســـتعود أرضي يا يهود فأجمعوا
شركاءكم ، بالطرق يشتد الوتد
ســأنال إحدى الحسنيين تربصوا
فالله بالنصر المؤزر قد وعد
سأظل أهتف كلــما زاد الحصـا
ضراوةً أحدٌ أحد ، أحدٌ أحد



حمل من (هنا )فيديو وهو يلقى القصيدة فى مؤتمر مناصرة غزة بمحافظة الفيوم بمصر