في ناس كتير في البلد دي بيلعبوا بالنار
والموجة عاليه وشديدة ومفيش جهاز إنذار
والمركبة تايهة في محيط ملهش قرار
والناس بتصرخ وشايفه ف كل حته دمار
وشباب بتغرق وتطلع تعوم مع التيار
والعار ف لمح البصر أصبح وما سموش عار
اسمه حضارة وأدب وفن واستقرار
والغيرة بنت البلد ماتت ف قلب الدار
والواد شهامة الجدع محبوس ورا الأسوار
والحر قلبه اتخلع من حسرة الأحرار
وبقينا غاويين دلع منحبش الأطهار
والبنت ويا الولد هيمانه ليل ونهار
ومعاه تبيع لحمها وبأرخص الأسعار
ولو يغيب عنها بتبات ف حيرة ونار
This entry was posted
on الأحد، 26 أكتوبر 2008
at 10:51 م
and is filed under
فيديو زجل
. You can follow any responses to this entry through the
comments feed
.