عنتر وغزة

Posted by حسام خليل in

قوم يا شعبي يا حر وكبر

انقذ اخوك وافتحله المعبر

صواريخ نازلة عليه بتمطر

دمه بينزف جرحه بيكبر

يوم ورا يوم القتل بيكتر

وابنك أشلاؤه بتتبعتر

وقع عليه البيت وادّمّر

واليهودي علينا اتجبر

رمى القنابل وبيتمنظر

عرضك شرفك يا للي بتشعر

فين النخوة اللي بتتأثر

ولاّ خلاص القلب اتحجر

ولاّ ضميرك كان متخدر

لحد إمتى يا جيشنا هنصبر

فين القائد فين العسكر

شفتك في العرض بتتمختر

وأديك ماسكة سلاح بتعمر

تضرب في المليان وتفجر

والكاميرات من فوق بتصور
-
لما شفنا العرض المبهر
-
قلنا دا جيشنا بكره هيقهر
-
جيش أعداءنا اللي بيتجبر
-
لكن جيشنا الحر اتأخر
-
خذل العالم وبيتقهقر
-
ليه في السلم بشوفك عنتر ؟


وسط جنودك وحش مكشر

عامل فيها عليا غدنفر

لكن ساعة الحرب مقصر

خانع ساكت خايف تظهر

علشان خاطر كاميرا ومنيتور

جيشنا أسير محتاج يتحرر

وعليه كل الناس بدوّر
-
بس أملنا ربنا ينصر
-
جند حماس واللهُ أكبر

This entry was posted on الاثنين، 5 يناير 2009 at 12:49 م and is filed under . You can follow any responses to this entry through the comments feed .

3 ممكن رأيك لو سمحت

غير معرف  

قلت يا شاعر
ووصفت المنظر
فاضل ان الشعب
يفكر
ازاي دوره يبقى يأثر
لجل الحق الغالى ميظهر
لجل وطنا يعود يتحرر

6 يناير 2009 في 4:13 ص
غير معرف  

سأعود للاقصى واقسم

ادعيلي عندي امتحانات

9 يناير 2009 في 9:42 ص
غير معرف  

أخى الحبيب حسام
سعيد بمرورى هنا على مدونتك الجميلة
لأستقي من فرات شعرك و حرفك النابض بكل وطنية
دمت لمن يحبك
أخوك
عاطف الجندي

16 فبراير 2009 في 1:46 م

إرسال تعليق