حبيبتي

Posted by حسام خليل in



حبيبتي ونور عنيه من عيلة مؤدبة
مقدرش استغنى عنها دي جميلة وطيبة

والحاجة لو بعيدة معاها قريبة
دايما بلقى ف كلامها أفكار مترتبة

وتجاوب لما بسأل بطريقة مهذبة

وف كل مجال تلاقيها لهلوبة ملهلبة
هادية تموت في النظام ملهاش في الكركبة

لو عيني جات ف عنيها بتقولي مرحبا

والف الدنيا معاها على أحلى مركبة

واحس اني ف هواها على أجمل مأدبة

وانسى العالم وادوب ف حبيبتي المكتبة



This entry was posted on الجمعة، 1 يناير 2010 at 8:53 م and is filed under . You can follow any responses to this entry through the comments feed .

6 ممكن رأيك لو سمحت

هههههههههههههههههههههه
دماغي راحت حتة تانيه

2 يناير 2010 في 6:50 ص
شاعر سبيل  

سلامة دماغك يا حبيبي من الحتة التانية خليك معانا في الحتة دي أحسن
ازيك يا محمد ياخيري
أهنيك على السبق الصحفي الكبير بتاعك اللي كسر الدنيا

2 يناير 2010 في 2:41 م

السلام عليكم
وانا كمان فكرت فى شىء اخر وكنت راح استسمحك لو كانت ليها اخت بنفس الموصفات و يا بخت من وفق راسين فى الحلال

3 يناير 2010 في 12:37 ص

بالمناسبة ليفنى كانت بضحك على اية واحمد ابو الغيط مسك ايدها لية مساعدة هى فعلا تستحق المساعدة مشهد عجيب والله

3 يناير 2010 في 12:41 ص

طيب يا أستاذ محمد عبد الوهاب
ايه رأيك بقى في اللي يوفق أربع روس في الحلال وتشوف عروستين ليا وليك
هيبى ليك ثواب كبيييييير اوي
طيب انت قول واحكم الأحسن للغيط ليفني ولا حماس؟

4 يناير 2010 في 1:18 ص

حلوه بس مفيش مانع لو كان في حبيبة حقيقية لهلوبه ملهلبة

5 يناير 2010 في 3:03 ص

إرسال تعليق