ياللي شايف بحر هادي
ملمحه سهل وبسيط
ليه ما شفتش تحت منه
عمر أحزانه الغويط
لو نسيته اسمحلي اقولك
تبقى يا صاحبي ..... !
مهما تجرح مش هقولها
بردو هصبر مش هقول
يا ما دقت قبل منك
بالمحن ع الراس طبول
يا بن مصر الثورة قامت
لجل ما تغير نفوس
والعقارب مش هتمشي
وحدها من غير تروس
لو مكتش الأم ولدت
كان هييجي ازاي وليد
بص كام ضحت عشانك
قبل ما تعضلها إيد
ثورة قامت شعب واحد
قلب واحد إيد ف إيد
والتحامنا واتحادنا
هو كان حبل الوريد
This entry was posted
on الثلاثاء، 19 أبريل 2011
at 3:47 م
and is filed under
زجل
. You can follow any responses to this entry through the
comments feed
.