بوش يستاهل ضرب الجزمة

Posted by حسام خليل in





كلمة اتقالت وسط الزحمة



كانت زي النور في الضلمة



كلمة بتبرق زي الرعد



فجأة يصحي الناس النايمة



صح النوم وكفاية كلام



خلي حركتك هي الكلمة



ضحي بنفسك يا للي مضحي



درس العيد مش أكل اللحمة



درس العيد رمي الجمرات



درس العيد بيعلي الهمة



ارمي الجمرة وراها الجمرة



أصل الشر معندوش رحمة



لسة بيقتل أهلي وناسي



لسة بيرفص بعد الأزمة



ارجم رمز الشر فبلدك



خوفك سجن ما عدلوش لزمة



اكسر سور السجن وقولها



كلمة اتقالت وسط الزحمة



كلمة حق ف وش الظالم



قالها الصحفي الحر بذمة



كلمة كتبها فكل صحيفة



بشرف المهنة وشرف التهمة

كلمة كتبها بطل بدراعه

فيها بلاغة وصدق وحكمة



تسلم إيدك يابن بلدنا



قولها كمان وبنفس النغمة



قول سمعنا قول واشجينا



علشان تشفي غليل الأمة



قولها كمان علشان نرتاح



كلمة كمان وتزول الغمة

كلمها وقالها بكل شجاعة

مهما حصله فسجن الظلََمة

كلمة وّطّى عشانها الظالم

علشان يفدي بخوفه الصدمة

كلمة هدفها علم أمريكي

رفرف يحضن فردة صرمة


كلمة سمعها العالم كله



بوش يستاهل ضرب الجزمة



بوش يستاهل






*



ضرب الجزمة




كلمة حق عند سلطان جائر

This entry was posted on الاثنين، 15 ديسمبر 2008 at 1:52 ص and is filed under . You can follow any responses to this entry through the comments feed .

11 ممكن رأيك لو سمحت

غير معرف  

لقاء الجزم ..... الجزمة للجزمة

جزمه قديمة ضربت بجزمه جديدة

سلاح الشعوب


الجزم

صوبوا الجزم نحو من يستحقها في بلادنا

جزمه في وجه كل ظالم ومستبد ...

جزمه...(منتظرينها )..من زمان ...؟

((الحرية لمنتظر الزيدي))

15 ديسمبر 2008 في 4:04 ص

لقاء الجزم ..... الجزمة للجزمة

جزمه قديمة ضربت بجزمه جديدة

سلاح الشعوب


الجزم

صوبوا الجزم نحو من يستحقها في بلادنا

جزمه في وجه كل ظالم ومستبد ...

جزمه...(منتظرينها )..من زمان ...؟

((الحرية لمنتظر الزيدي))

15 ديسمبر 2008 في 4:14 ص

إديله بالجزمة
شعر:خميس نصر
تسلم إيديك يا بطل* إديله بالجزمة
أصل البعيد افترى* في الكون عمل أزمة
ياما قتل في البشر* واهو انهزم هزمة
***
اكتب بنعلك نهاية* وغد متجبّر
وافضح بفعلك حكاية* المسيخ الاعور
وارسم بنعلك جناية* الخسيس الازعر
***
المجرم اللي انضرب* ياما ظلم فينا
إشي قتل وإشي عربدة* زوّد مآسينا
في جوانتنامو وأبو غريب مغطينا
***
مسحت دمع اليتامى* يابطل بإيديك
طيّبت جرح الثكالي* ربنا يحميك
سامع جموع البشر* تعلنها وتحييك

15 ديسمبر 2008 في 10:23 ص

السلام عليكم

ما شاء الله قصيدة رائعة ..

بس ايه ذنب الجزمة ..

بوش اذا ضرب الحذاء صاح الحذاء باي ذنب اضرب ..

تحيتي

15 ديسمبر 2008 في 11:58 ص

هشام حماده
بوش خرج من ازمة عالمية دخل في أزمة عالمية

15 ديسمبر 2008 في 1:34 م
غير معرف  

قصيدة رائعة


بارك الله فيكم


ولكن لماذا تتعدي الجزم دائماً على أبنائها دون الغير


أضم جزمتي إلى جزمة كل عربي و إلى جزمتك يا أستاذ حسام في و جه كل إبن..... .

15 ديسمبر 2008 في 5:53 م
غير معرف  

الشاعر خميس نصر
نورت مدونتي شاعر سبيل
شكرا على مرورك
نعم تعانقت الجزم في لقاء عاطفي حار بين حذاء البطل الحر وبوش

15 ديسمبر 2008 في 8:30 م

شكرا لك يا جني
صدقت خسارة فيه الحذاء

15 ديسمبر 2008 في 8:31 م

عزيزي أنا المقاوم
هو ليس تعديا ولكن
الدم بيحن

15 ديسمبر 2008 في 8:34 م
غير معرف  

الله الله عليك ياشرعنا الجميل
قلت قصدقت
وصح لسانك
يوم العزة انتهى بحذاء العزة
ونطق الحذا بمما لم ينطق به مليار ونصف مسلم
جزيت خيرا على الابداع

18 ديسمبر 2008 في 3:12 ص

بوش ...... بالجذمة!!!!.

بقولك شكرا يا زيدي يا ابن العراقيين.

ضربت بوش بالجذمة مش فردة لاْ فردتين.

ضربوك رجال الامن السفلة المجرمين.

اوعى تزعل يا بطل عشان بلدك وعشان الدين.

بوش في زيارة اخيرة جاي ليه ولمين؟.

انا نفسي تزورنا في مصر علشان أخدك قلمين.

علشان تاريخك الاسود في بلاد الطاهرين.

اوعى تزعل يا بوش دا مكانك عند المسلمين.

هو ده سوء الختام لمثل بوش اللعين.

ويا ريت تكون عبرة لاوباما ابن حسين.

سؤال واحد محيرني هيشدوا علي الصحفيين؟.

ولا هيبقى في تعليمات.. دخول المؤتمرات حافيين؟.

26 ديسمبر 2008 في 11:53 ص

إرسال تعليق