رفرف وزقزق

Posted by حسام خليل in




طاير ومتوكل وعارف سكته

شادي وبيدندن على لحن الأمل

صوت غنوته

رفرف وزقزق يا جدع

ربك هيرزق من وسع

افرد جناحك ع السما وافرح وطير

وارمي حمولك كلها ربك كبير

الحلم شقشق بالنهار

بعد الشقى وطول انتظار

إيدك ف إيدي نبني بكره وضحكته

من غير ما نقلق أو نخاف من طلعته

مين قد قلبك وانت طاير في السما

رايق ومش خايف ومطمن قوي

ربك خلقنا والإرادة ف دمنا

ومفيش معاه خوف من خطر بيهمنا

ومنين هييجي الخوف وليه

ما دمت متوكل عليه

This entry was posted on الأحد، 18 يوليو 2010 at 7:36 م and is filed under . You can follow any responses to this entry through the comments feed .

2 ممكن رأيك لو سمحت

غير معرف  

والله انت اللى بترفرف وتزقزق يا استاذنا

18 يوليو 2010 في 8:13 م
غير معرف  

ومفيش معاه خوف من خطر بيهمنا

ومنين هييجي الخوف وليه

ما دمت متوكل عليه


الله عليك وعلى تعبيراتك الجميله بتاخدنا لبعيد معاها
سلمت شاعرنا الغالى \حسام
تقبل مرورى واحترامى الدائم
زهرة المدائن

22 يوليو 2010 في 3:29 ص

إرسال تعليق