قومي يا غالية ومتخافيش أنا مش بخاف من أي حد
أنا أصلي مؤمن إن عمري ميملكوش ف الدنيا حد
أصل الأمان مش للي خان
ولا للجبان
ولا للي راح زي النعامه وحط راسه واكتفى
ولا للي قال وانا مالي وادّانا القفا
ولا للي وطى جنب حيطه واختفى
ولا للي فاكر إن توب الذل هيجيب الدفا
الأمان على خط نار
الأمان ضد الجدار
الأمان تحت الحصار
ما دام بسبح باسم ربي ليل نهار
حتى لو في السجن شاعر بالأمان
والإيدين الخاينة صاحبها الجبان
حتى لو ف قلب قصره
الخوف محاصره
والذل آسره
والحر كاسر عينه أيوه كاسره
والشعب واعي و من زمان باعو وخسره
قومي ياغالية ومتخفيش أنا مش بخاف من أي حد
أنا عايز ابوسك ياللي خدك في المرايه أحلى خد
حتى لو حاطين ما بيني وبينك ألف سد
بالحب وحده انا هخترق كل السدود
علشان ولائي للوطن ملهوش حدود
والحب جوايا السلاح
والحب جوايا الجنود
علشان كده أنا بمتلك أقوى الجيوش
بس اللي خافوا وصقفوا مهينفعوش
واللي استخبوا وطنشوا وراحوا ومجوش
أنا أصلي مؤمن إن عمري ميملكوش ف الدنيا حد
أصل الأمان مش للي خان
ولا للجبان
ولا للي راح زي النعامه وحط راسه واكتفى
ولا للي قال وانا مالي وادّانا القفا
ولا للي وطى جنب حيطه واختفى
ولا للي فاكر إن توب الذل هيجيب الدفا
الأمان على خط نار
الأمان ضد الجدار
الأمان تحت الحصار
ما دام بسبح باسم ربي ليل نهار
حتى لو في السجن شاعر بالأمان
والإيدين الخاينة صاحبها الجبان
حتى لو ف قلب قصره
الخوف محاصره
والذل آسره
والحر كاسر عينه أيوه كاسره
والشعب واعي و من زمان باعو وخسره
قومي ياغالية ومتخفيش أنا مش بخاف من أي حد
أنا عايز ابوسك ياللي خدك في المرايه أحلى خد
حتى لو حاطين ما بيني وبينك ألف سد
بالحب وحده انا هخترق كل السدود
علشان ولائي للوطن ملهوش حدود
والحب جوايا السلاح
والحب جوايا الجنود
علشان كده أنا بمتلك أقوى الجيوش
بس اللي خافوا وصقفوا مهينفعوش
واللي استخبوا وطنشوا وراحوا ومجوش
لو حد قال ان الأمان تحت المداس
متصدقوش
الأمان بنحسوا في قلوبنا الجريئة
اللي ف سبيل دينها وطنها وربها
بتقول الحقيقة
الأمان في القلب لو قلب الحريقة
النار بتبقى فسكتو برد وسلام
أمن وأمان
الأمان بنحسوا في قلوبنا الجريئة
اللي ف سبيل دينها وطنها وربها
بتقول الحقيقة
الأمان في القلب لو قلب الحريقة
النار بتبقى فسكتو برد وسلام
أمن وأمان
حتى اسألوا سِدنا ابراهيم
والمصطفى خير الأنام
مسك الختام
عليه أفضل الصلاة
والسلام
والسلام
This entry was posted
on الجمعة، 5 مارس 2010
at 7:53 م
and is filed under
زجل
. You can follow any responses to this entry through the
comments feed
.
