وقت الغروب

Posted by حسام خليل in



عنيا سرحت في السما وقت الغروب
لقيتني فجأة ف حسنها بسرح وادوب
ولقيت ملايكة ف حضنها أطهر قلوب
طايره تسبح ربها من غير ذنوب
الله عليكي يا سما وقت الهروب

وسمعت صوت شدني من الزحمة فوق
خلاني طاير في الهوا لحظة هدوء

شفت السكينة عشقتها وبدأت اروق

وكل ما بشتاق لها أشرب وادوق

وانا مستخبي ف حضنها مشعيز افوق

يا صوت ملايكة ربنا يا أحلى صوت
أنا قلبي عاشق عندكم صوت السكوت
خايف على لحظة صفا لحسن تفوت
فيها حياته ونشوته وعشقها موت
لحظة رضا ف محبتك يا مالك الملكوت


مستني على بابك هنا وعنيا غسلتها الدموع
ماسك ف رجلين الزمن ليمر في لحظة خشوع

لحظة رضا ف محبته وانا قلبي خايف م الرجوع
خايف على طعم الأمان بعد الخضوع

خايف عليها من الضياع في سكة خالية من الشموع


يارب خليني هنا
عند السعادة والهنا

وسط القلوب المؤمنة

طايره تسبح ربنا

في ورد رابط قلبنا
وقت الغروب

This entry was posted on الجمعة، 12 مارس 2010 at 7:52 م and is filed under . You can follow any responses to this entry through the comments feed .

4 ممكن رأيك لو سمحت

جزاك الله كل الخير اخي وبارك الله فيك علي هذه القصيده
حماك الله وبارك فيك وزادك

13 مارس 2010 في 4:56 ص
شاعر سبيل  

شكرا لهذا المرور
أتمنى الشهادة
جزاك الله خيرا
وأسأل الله أن يبلغنا منازل الشهداء

14 مارس 2010 في 10:27 م
غير معرف  

يارب خليني هنا
عند السعادة والهنا
وسط القلوب المؤمنة
طايره تسبح ربنا
في ورد رابط قلبنا
وقت الغروب

اللهم امين

كلمات حساسة سلمت الايادى شاعرنا

جزيت كل خير
الورده

15 مارس 2010 في 2:56 ص
شاعر سبيل  

شكرا للوردة العطرة الجميلة على هذا العطر الوارف

15 مارس 2010 في 3:53 ص

إرسال تعليق