وربك يا برادعي لمصر

Posted by حسام خليل in ,


لكن فرعون

بيتفرعن
ولسه بردو مع إنه
غرق في البحر
ولكنه بيتفرعن
عشان فرعون بيتفرع
فِضِل فرعون ومش لاقيين عصا موسى
وست الحسن خلاص مبقيتش محروسة
عشان السحرة اللي بيحاربوا النبي موسى
وبيخلوا عيون الناس تشوف الصورة معكوسة
دا حتى البحر لما رمالهم الجثة
وخدعوا الناس وقالولهم ياناس لسه
دا مش تَِعبان ولكن جثته حية
وصورته أهيه بتتحرك على الميّه
وسيرته أهيه وأيام الرخا جيّه
وسيرة الحق جوه البق بتمرر
وهاتوا الكدب هنصدق وهنمرر
عشان الجسم متحنط ومتخدر
صور تماثيل لا بتنطق ولا تفكر
مرارة الصدق ولا الكدب ايه يعني هيتغير
عصا فرعون هتفضل مش هتتغير
ولو نايم عصى فرعون يقوم الصبح متشحور
يشوف الحلم في الإرسال وبعد دقيقة يتشفر
ورغم السحرة أوراقهم بقت مكشوفة مفقوسة
لكن بالخوف على الفتافيت نقول ع المش بسبوسة
وعز الليل نبص نشوف نلاقي الشمس شموسة
نقول آمين ورا الضالين وكلمة حق نخروسة
ننام ونقوم وأرواحنا ف خانة اليك محبوسة
ما دام الذل لقمة عيش على المكشوف وبالكوسة
هيفضل فوق يعوم ويدوس ولو هنموت من الدوسة

فضل فرعون ومش لا قيين عصا موسى
وكل اللي عصى موسى فضل فرعون
وربك يا برادعي لمصر
يكون في العون

رابط على نافذة الفيوم

This entry was posted on الثلاثاء، 6 أبريل 2010 at 8:28 ص and is filed under , . You can follow any responses to this entry through the comments feed .

4 ممكن رأيك لو سمحت

غير معرف  

الله وعجبى على كلامك الرائع ياشاعرنا

بجد كلامك لا تعليق عليه من روعة معانيه

سلمت لنا دائما ودمت كما انت بقوة كلماتك

احترامى دائما الورده

6 أبريل 2010 في 3:39 م
شاعر سبيل  

شكرا يا وردتنا الجميلة
دائما ما تسعدينا بهذة الطلات الجميلة يارب ما يحرمنا منك أبدا

6 أبريل 2010 في 3:58 م
واحة الايمان  

ايه الكلام العسل ده والله فى غاية الروعة والجمال ونريد المزيد وجزاكم الله خيرا
http://islamiatzidan.blogspot.com/

8 أبريل 2010 في 1:49 م
أبو الفوارس  

فضل فرعون ومش لا قيين عصا موسى
وكل اللي عصى موسى فضل فرعون
وربك يا برادعي لمصر
يكون في العون
وأنا شاهد هقول الحق مهما يكون
أنا عاوز يا بلدي رئيس
يكون مجدع كريم وحنون
واضح طريقه مفيش تلبيس
يعني يكون موزون
يا ترى أنا عاقل فى دي الأحاسيس
ولا أكون بحلم وأنا مجنون

10 أبريل 2010 في 5:49 ص

إرسال تعليق

<< رسالة أحدث
رسالة أقدم >>