قاعد مسهم والعيون متسمرة
وقلوب بتدعي وللأمل مستنظرة
بس البطل أعصابه ليه متوترة
ساعة الخطر تلاقيه رجع خطوة لورا
فجأة ارتبك
لما اتخنق منه الملك
عايش صحيح بس اتخنق
مش لاقي خطوة توصله
ومفيش خانات تستقبله
واللوحة قالت من زمان
مقدرش تاني استحمله
والصوت بيعلى والحصان بيردده
كش الملك والطابية واقفة تهدده
والفيل معاه واخد بإيده يسنّده
وعلى الهوا طار الوزير بيشهده
والعسكري قام جات له فكرة يولّده
عقد الحياة لازم بسرعة نجدده
يا للي عليك الدور
فين يا بطل هتحركه
ومعادش وقت تفبركه
وتفوقه وتنطقه و
تضحك عليه وتضحّكه
طال انتظار الموجودين
ومفيش قرار ومفيش أمل
إيه العمل إيه العمل
من غير كسوف
من غير كمان ما تنفعل
اعلن وقول من غير ما حد ما يسألك
الدور خلص لما اتخنق مني الملك
This entry was posted
on الجمعة، 30 أبريل 2010
at 7:54 م
and is filed under
زجل
. You can follow any responses to this entry through the
comments feed
.
