خلتيني اكتب قصايد
عمرها ما جات ف بالي
لما طيفك هز قلبي
يوم ما كان بيزور خيالي
الأماني الحلوة هلت
كلها غنت قبالي
و ف عيوني الفرحة طلت
روحي طارت في العلالي
والنجوم غنت معايا
والقمر سهران يلالي
آه يا عيني آه يا ليلي
يا قمر مالك ومالي
هودوه الحب يمكن؟
مين يجاوب عن سؤالي؟
يا ما غيرك جم زروني
ما جراش اللي جرالي
يبقى ليه واشمعنى طيفك
هزني أول ما جالي؟
أصل انا يا حلوة قبلك
قلبي كان عايش وخالي
لما داب في حب قلبك
ابتدا يسهر ليالي
كل دا من غير ما اشوفك
يا قمر غيرتي حالي
كل يوم اتمنى قربك ،
وانتي؟ تتمني وصالي؟
يا حبيبتي نفسي اشوفك
يا قمر يلاّ تعالي
يا حبيبتي يوم ميلادي
يوم تكوني فيه حلالي
This entry was posted
on الاثنين، 18 أكتوبر 2010
at 11:19 م
and is filed under
زجل
. You can follow any responses to this entry through the
comments feed
.
